სიახლეები 05/10/2008
 |
 |
|
05/10/08 17:30
მიხაილოვიჩის ოცნება
სერბეთის ფეხბურთელთა ეროვნული ნაკრებისა და იტალიური “ლაციოს” ყოფილი მცველი სინიშა მიხაილოვიჩი რომაული კლუბის გაწვრთნაზე ოცნებობს.
ამის შესახებ მიხაილოვიჩმა, რომელიც “ლაციოში” 1998-2004 წლებში თამაშობდა, Channel4-ისთვის მიცემულ ინტერვიუში განაცხადა.
“ლაციოსთან” ერთად, იტალიაში ძალიან ბევრს მივაღწიე და ბედნიერი ვიქნები, თუკი ოდესმე ამ გუნდის გაწვრთნის საშუალება მომეცემა, მაგრამ ეს ჩემზე დამოკიდებული არაა. ამჟამად გუნდს არანაირი პრობლემა არ აქვს - რომაელებს ბრწყინვალე მწვრთნელი, კარგი შემადგენლობა და ჭკვიანი პრეზიდენტი ჰყავთ. თუ რაღაც პერიოდის შემდეგ სიტუაცია შეიცვლება, მე მათთან დიდი სიამოვნებით ვითანამშრომლებ”, - განაცხადა მიხაილოვიჩმა.
ამასთან ერთად, სერბი მიიჩნევს, რომ სერია A-ს მიმდინარე გათამაშებაში “ლაციოს” ჩემპიონობისთვის ბრძოლის შანსი არ აქვს და მაქსიმუმი, რასაც შეიძლება მან მიაღწიოს, ეს ჩემპიონთა ლიგის ზონაში მოხვედრაა.
“არა მგონია, ახლანდელმა “ლაციომ” ჩემპიონობისთვის ბრძოლა მოახერხოს. მართალია, ისინი ლიდერები არიან, მაგრამ სეზონი სულ ახლახანს დაიწყო და მომავალში ბევრი რამ შეიძლება შეიცვალოს. თანამედროვე ფეხბურთში ფული ძალიან ბევრს რამეს წყვიტავს, რომაელებს კი დღესდღეობით საკმარისი რაოდენობის თანხა არ გააჩნიათ, მაგრამ, ჩემი აზრით, როსის შეგირდების ჩემპიონთა ლიგის ზონაში მოსახვედრად ბრძოლა ნამდვილად შეუძლიათ”, - ამბობს მიხაილოვიჩი.
წყარო: www.msofsport.com
|
|
|
|
05/10/08 16:00
დარწმუნებული რანიერი
ტურინის “იუვენტუსის” მთავარი მწვრთნელი კლაუდიო რანიერი მიიჩნევს, რომ მის გუნდში ყველაფერი რიგზეა და იტალიურ პრესაში გაჩენილ ინფორმაციას, თითქოს მას “პალერმოსთან” ვერმოგების შემთხვევაში, თანამდებობის დატოვება ემუქრება, უსაფუძვლო ვარაუდად მიიჩნევს.
ამის შესახებ რანიერიმ Channel 4-ს განუცხადა.
“იუვენტუსში” ყველაფერი კარგადაა და შესაცვლელი არც არაფერი გვაქვს. ბოლო დროს ჩემს შესაძლო გადადგომაზე ძალიან ბევრს საუბრობენ. მიმაჩნია, რომ დაკისრებულ მოვალეობას თავს კარგად ვართმევ და კლუბის ხელმძღვანელთა გეგმებში ჩემი გადადგომა არ უნდა შედიოდეს. დარწმუნებული ვარ, სულ მალე ისეთ ფეხბურთს ვითამაშებთ, როგორიც გულშემატკივარს სიამოვნებს”, - განაცხადა “იუვეს” თავკაცმა.
კლაუდიო რანიერის გადადგომის შესახებ საუბრები მას შემდეგ დაიწყო, რაც “იუვენტუსმა” ზედიზედ 3 შეხვედრა ფრედ დაასრულა. ტურინელებმა ჯერ იტალიის სერია A-ში ვერ შეძლეს “კატანიისა” და “სამპდორიას” დამარცხება, მერე კი ჩემპიონთა ლიგის მე-2 ტურის შეხვედრაში, ბელარუსში ბატე-სთან 2:2 ითამაშეს.
წყარო:
|
|
|
|
05/10/08 15:00
შესაძლო ცვლილება
ფრანგული “ლიონის” პრეზიდენტმა ჟან-მიშელ ოლამ, რომელიც ამ კლუბის წარმატებების მთავარი სულისჩამდგმელია, უახლოეს პერიოდში, შესაძლოა დაკავებული თანამდებობა დატოვოს.
The World Game-ის ინფორმაციით, ამის მიზეზი ჟან-მიშელის ის პროექტია, რომლის მიხედვითაც, იგი გუნდისთვის ახალი, 60-ათასიანი სტადიონის აშენებას აპირებს.
თავდაპირველად დაგეგმილი იყო, რომ სტადიონის მშენებლობა 2010 წლისთვის უნდა დასრულებულიყო, თუმცა, მოგვიანებით ოლა იმაზე დაითანხმეს, რომ 2010 წლისთვის მშენებლობა კი არ დასრულდებოდა, არამედ დაიწყებოდა. ახლა კი, ისეთებიც გამოჩნდნენ, რომლებიც ახალი სტადიონის აშენების იდეას ეჭვის თვალით უყურებს. ასე ფიქრობს კლუბის ხელმძღვანელობის რამდენიმე წევრი, რომლებსაც ზურგს ადგილობრივი მაცხოვრებლები უმაგრებენ. არადა, ჟან-მიშელის აზრით, გუნდის პროგრესისთვის ახალი სტადიონის აშენება აუცილებელია.
სწორედ ამის შემდეგ განაცხადა ოლამ, რომ თუ ახალი სტადიონის მშენებლობა 2010 წლისთვის არ დაიწყება, ის დაკავებულ თანამდებობას დატოვებს.
“თუ ახალი არენის მშენებლობა 2010 წლისთვის არ დაიწყება, მე დავტოვებ პრეზიდენტის თანამდებობას და კლუბიდან წავალ. სხვა ადგილზე მუშაობა და საკუთარი გეგმების იქ განხორციელება მომიწევს”, - ამბობს ჟან-მიშელ ოლა, რომელსაც “ლიონის” პრეზიდენტის პოსტი 1987 წლიდან უკავია.
წყარო: www.msofsport.com
|
|
|
|
05/10/08 14:00
კარლო ანჩელოტი: "ახლა ნებისმიერი ამოცანის გადაჭრა შეგვიძლია”
იტალიური “მილანის” ბოლო დროინდელმა წარმატებებმა გუნდის მთავარ მწვრთნელ კარლო ანჩელოტის რწმენა დაუბრუნა. ახლა ის დარწმუნებულია, რომ “როსონერი” იტალიაში მხოლოდ ჩემპიონობისთვის იბრძოლებს.
ამის შესახებ ანჩელოტომ Channel 4-ს განუცხადა.
“ახლა თამამად შემიძლია განვაცხადო, რომ ჩვენ “სკუდეტოსთვის” მებრძოლთა შორის ვართ. ჩემს განკარგულებაში დიდებული ფეხბურთელები არიან, რომელთაც ერთად თამაში უდიდეს სიამოვნებას ანიჭებთ. ეს ძალიან მნიშვნელოვანი ფაქტორია. მინდა გითხრათ, რომ წარუმატებელმა სტარტმა კიდევ უფრო გაგვაძლიერა და ახლა ნებისმიერი ამოცანის გადაჭრა შეგვიძლია”, - განაცხადა ანჩელოტი.
იტალიის სერია A-ს პირველ ორ მატჩში - “ბოლონიასა” და “ჯენოასთან” განცდილი მარცხის შემდეგ, “მილანმა” ზედიზედ 5 თამაშში იმარჯვა - უეფას თასის I რაუნდში შვეიცარიულ “ციურიხს” ორივე შეხვედრაში აჯობა, იტალიის ჩემპიონატში კი გათამაშების ლიდერ “ლაციოს”, “რეჯინასა” და თანაქალაქელ “ინტერს” სძლია.
კარლო ანჩელოტი მიიჩნევს, რომ გუნდისთვის გარდამტეხი “ინტერთან” დერბიში მოპოვებული გამარჯვება იყო, რამაც მათ სატურნირო ცხრილში მე-6 საფეხურამდე ასვლის საშუალება მისცა, მომავალში კი, განსაკუთრებით ბრაზილიელი რონალდინიოსი ეიმედება.
“თუ მომდევნო ტურში “კალიარის” დამარცხებასაც მოვახერხეთ, სანაკრებო თამაშებით გამოწვეულ შესვენებას კარგ განწყობაზე შევხვდებით. რაც შეეხება რონალდინიოს, ის მატჩიდან მატჩამდე სულ უფრო და უფრო უკეთეს თამაშს აჩვენებს. ბრაზილიელი უკვე წაადგა გუნდს და წარმოიდგინეთ რა მოხდება მაშინ, როდესაც იგი საუკეთესო ფორმაში იქნება”, - აღნიშნავს ანჩელოტი
წყარო: www.msofsport.com
|
|
|
|
|
|
|
|
პირადი ანგარიში |
| მხოლოდ ავტორიზირებული მომხმარებლებისათვის |
|
მომხმარებლის მენიუ |
| მხოლოდ ავტორიზირებული მომხმარებლებისათვის |
|
|
| ფანჯრის დახურვა |
|
|
|
|
